Ved fjorden

Det har vore gråe dagar ved fjorden denne veka. Og eg nyt det!

Mange ynskjer seg kvit jul og kjenner sjelefreda senkjer seg når dei fyrste kvite fillene dalar ned. Slik er ikkje eg. Regn og plussgrader er det eg kjenner meg heime i, og i år har eg vore særdeles nøgd med romjulsveret! Eg veit ikkje kven eg skal takke, men takk!

Det er skjønt å hive på seg regnkleda og ut å "friske seg".

Prøv du også!

Skotsk julestemning

For eit par helger sidan sette eg og åtte kollegaer oss på flyet og landa berre ein time seinare i Aberdeen, Skottland. Eg vert aldri heilt van med tanken om at fly går SÅ utruleg fort. Eg tenkjer at det er, i allefall nesten, som å reise i tid. KNIPS - så er ein ein heilt annan stad! Det er jo i grunnen magisk!!!

Skottane er tydelegvis enno tidlegare ute med julepynt og -stas enn oss her heime. Og ikkje overraskande var det julestemning til sals i alle krikar og krokar! Butikkane bugna sjølvsagt av alt ein kan tenkje seg - og litt til. (Og det gjorde for så vidt kofferten min då eg kom heimatt også...)

Eg følte meg frykeleg flink og ganske heldig då eg fann ein heil del Cath Kidston-produkt hjå varemagasinet John Lewis. LYKKE!

Eit skotsk slott måtte også vitjast. Me tok turen til Crathes Castle der The Green Lady var til stades i eitt av romma. Det same var eit par av borna som ein gong budde på slottet. Og ein riddar med lang spiss nase. Eg såg dei ikkje, men det gjorde ei av kollegaene mine! Ganske spennande!

Og SJØLVSAGT! Ein del pub-besøk vart det også! På den nokså hypa puben Slains Castle, kunne ein mellom anna kjøpe seg ei dødssynd - eller sju... Medan Ninety Nine Bar & Kitchen baud på godt øl i snasne omgjevnader. Veggane var dekka med Cole & Sons-tapetet Fornasetti Collection (- det med dameansikt og auger i rundingar, du veit) og eit av borda var forma som to digre bøker som låg oppå kvarandre. Charming!

Skottland i førjulssteming kan anbefalast

på det varmaste!

To søte søstre, skillingsbollar og sjarmerande bøker i Bergen

Sjarmerande Bergen har blitt enno meir sjarmerande!

Sist helg avslutta eg haustferien med overnatting i Bergen saman med sambuaren min. Me overnatta på To Søstre Gjestehus i Nedre Stølen, og brukte HEILE laurdagen på å rusle rundt i trange smau og gater.

Ein av Bergens nyare skattar er bokkafèen Krok og Krinkel i Lille Øvregaten. Ferske skillingsbollar og gamle bøker er ein fantastisk kombinasjo. Særleg på ein laurdag når ein har goood tid!

Vertskapet på kafèen har verkeleg sansen for å skape stemning i lokalet. Sjå berre på denne nydelege takpendelen! Kanskje ikkje so vanskeleg å lage sjølv, heller?

Og attpå ein heil dag med trasking og gode opplevingar i byen var det godt å kome inn på rommet i gjestehuset og berre slappe av. Og å kunne kvile augene på bergenske tak tett-i-tett! Litt til! 

Ei god helg

Laurdag

besøk av Polo frå Equador, busett i London,  som vart "stunned" av høge fjell og djupe fjordar - og som også let seg imponere av små ting som utrekkbar skjærefjøl på kjøkkenet! Det er kjekt å ha besøk av folk med annan bakgrunn enn sin eigen, og slik sjå sin eigen kvardag med nye auger.

Sundag

godt plassert i sofaen med malande katt og hekletøy. Garnet er Mirasol frå Du Store Alpakka og skal bli til eit laaangt, stripete skjerf som skal halde meg varm til vinteren.

Sjekkliste for late dagar

Solkrem - check

Solbriller - check

Bikini - check

Lektyre for late dagar - check

Ahhh! Strandliv og late dagar kan begynne...

Klikk på biletet så kan du også få tak i denne boka!

Eg tek ein pause frå blogg og andre kvardagslege aktivitetar og reiser på tur med Kajsa Ingemannson si bok Små sitroner gule.

Kanskje den er noko for deg også:

Morsomt og sjarmerende om småbyjenta Agnes som flytter fra småbyen til Stockholm og åpner egen restaurant! Med én fot i Stockholm og én i barndommens trygge småby står Agnes støtt. Hun har en familie som stiller opp, en bra jobb i restaurantbransjen, en kjæreste som elsker henne og en bestevenninne som hun kjenner ut og inn. Eller gjør hun det? Én etter én raser byggesteinene i Agnes' liv. Kjæresten Tobias forlater henne til fordel for en blond babe med store pupper og piercing, og hun får sparken av Gérard, som eier restauranten der hun jobber. Kanskje tiden er inne for å gjøre noen valg? Skape sitt eget liv? Følge en gammel drøm? Snart ser restauranten «Små sitroner gule» dagen lys ...Små sitroner gule er en usedvanlig varm og sjarmerende bok om å finne seg selv, om kjærlighet og vennskap, om å ta sjanser og våge å velge (frå capris.no).

God sommar alle saman!